ब्राम्हणी : गावचे भूमिपुत्र व आदर्शचे माजी विद्यार्थी प्राध्यापक अशोक राजदेव सर यांनी आदर्श माध्यमिक व उच्च माध्यमिक शाळेच्या भौतिक विकासासाठी 11 हजार रुपयांची देणगी देवून शाळेप्रती कृतज्ञता व्यक्त करत इतरांना मदतीचे आवाहन केले आहे.
सामाजिक जाण व गावाचा अभिमान असणाऱ्या प्राध्यापक अशोक राजदेव यांनी यापूर्वी बहिरोबा महाराज मंदिर कामासाठी भरीव देणगी दिली.याशिवाय हरिनाम सप्ताह, भागवत कथा, यात्रा उत्सव, विविध उपक्रमात आपल्या परीने दातृत्व देत कायम त्यांचा सहभाग असतो..
आदर्श माध्यमिक उच्च माध्यमिक विद्यालयाचे प्राचार्य नानासाहेब जाधव उपप्राचार्य बी. वाय काळे आदींच्या हस्ते सन्मान करण्यात आला. यावेळी शिक्षक,कर्मचारी उपस्थित होते. विद्येच्या मंदिरासाठी सहकार्य केल्याबद्दल त्यांच्या दातृत्वाच कौतुक होत आहे.
आदर्श माध्यमिक विद्यालयात त्यांनी काही काळ अध्यापनाचे काम केले. वांजुळपोई येथे संगमेश्वर विद्यालयात आता प्राध्यापक म्हणून कार्यरत आहेत.
