ब्राम्हणी : आदर्श विद्यालयाच्या दुरुस्तीसाठी अपर्णा बानकर आणि प्रसाद बानकर यांच्याकडून 75000 रू देणगी देण्यात आली आहे.
अपर्णा बानकर या भारतीय आयुर्विमा महामंडळच्या विमा सल्लागार आहेत. त्यांनी LIC च्या विमा ग्राम स्पर्धेत सहभाग घेऊन मिळवलेली बक्षीचाची रक्कम विद्यालयास देऊ केली. यापूर्वीही त्यांनी विविध वस्तू तसेच रोख रकमेच्या स्वरूपात विद्यालास मदत केली आहे.याप्रसंगी विद्यालयाच्या वतीने बानकर दाम्पत्याचा सन्मान करण्यात आला.यावेळी लोकनियुक्त सरपंच सुवर्णा बानकर,उपसरपंच गणेश तारडे, मुख्याध्यापक नानासाहेब जाधव,LIC राहुरी शाखेचे व्यवस्थापक शिवराज जाधव,वरिष्ठ विमा अधिकारी समीर टोपरे,विकास अधिकारी उद्धव तांबोळी,उद्योजक वैभव ढोकणे ,दत्तात्रय दारकुंडे आदीसह ग्रामस्थ उपस्थित होते. कार्यक्रमाचे प्रास्तविक सहशिक्षक जगदाळे यांनी केले तर आभार सुनील हापसे यांनी मानले.
